Sanata Malam Ibrahim Shekarau ya sanar da ficewarsa daga Jam’iyyar NNPP, ya koma Jam’iyyar PDP.

Malam Shekarau ya bayyana hakan ne a gidansa, a lokacin da dan takarar Shugaban Kasa a PDP, Alhaji Atiku Abubakar da sauran jagororin PDP suka je gidansa domin karbarsa zuwa PDP.

A cewarsa, ya fice daga NNPP, sannan ya rubutawa INEC cewa ya janye daga takarar Sanatan Kano ta Tsakiya da zai yi.

Wannan shi ne karo na biyu da Shekarau ya canja jam’iyya a bana.